2010/11/03

Le statua de Nordahl Grieg


Nordahl Grieg - marinero, journalista, poeta, dramaturgo innovative, reporter de guerra, communista e antifascista, voce del radio e heroe aviator. Nascite a Bergen in 1902, morte super Berlin in 1943. Statua per Roar Bjorg (1957).

2010/11/02

Theo pro sempre


Il ha exactemente sex annos, le 2 de novembre de 2004, Theo van Gogh era assassinate. Ille, un critico del islam, era le victima de un musulman fundamentalistic. Mohammed B. ancora es incarcerate. Theo ancora es morte. Probabilemente pro sempre.

Vide anque:
Quatro annos retro: Theo van Gogh assassinate
Un anno retro: Theo van Gogh assassinate

Wikipedia (in Ido): Theo van Gogh

2010/11/01

Le autumno de Edvard Sigg


Edvard Sigg. ("Sigg" es un abbreviation norvegian de "cigaretta".) Le pecia se trova in le vicinitate del casa de un certe compositor del XIX seculo. Munchesc, nonne? O forsan vos prefere le Madonna, le Crito - o le "Primavera" de Grieg?

2010/10/31

In memoriam Harry Mulisch

"Mi mortalitate ancora non es provate." Iste parolas de Harry Mulisch finalmente ha trovate su responsa: le grande magico del litteratura nederlandese moriva le 30 de octobre, al etate de 83 annos.

Harry Mulisch nasceva in Haarlem le 29 de julio 1927. Ille era le filio de un matre judee e un patre de origine austriac, qui collaborava con le nazistas. A causa de su parentes, ille se considerava le personification del 2de Guerra Mundial. Mulisch: "Io es le 2de Guerra Mundial!"

Su magnum opus es "Le discoperta del celo" (1992). In 2007 iste libro era seligite como le melior roman nederlandese de tote le tempores. Es un "obra genial, in le qual se uni philosophia, mathematica, physica, numerologia e linguistica con le historia general e le biographia personal de Mulisch" (Jef van Gool).

Le obra de Mulisch ha essite traducite in multe linguas, includite le linguas artificial (in 1992, "Du virinoj" appareva in Esperanto in le traduction de Gerrit Berveling).


Vide anque:
Qui recipera le premio Nobel de litteratura?

2010/06/22

Le début del trainos legier


Hodie, le 22 de junio es le prime die del nove linea de trainos legier. Ecce le terminal de Nesttun, a 10 kilometros del centro de Bergen.

2010/06/03

Le regina de Nederland visita Bergen


Le regina salute al publico. Beatrix, le regina de Nederland, visita Bergen. Gunnar Staalesen, famose autor local, es le guida al Imbarcatorio Hanseatic (Tyskebryggen), un del attractiones le plus cognoscite del citate. In le photo on anque vide le hospites, le rege e regina de Norvegia.

2010/04/18

Le "Primavera" de Grieg


Bergen. Le statua de Edvard Grieg. Hodie. Pote esser que le compositor facera un nove version de su famose "Primavera".

2010/02/06

Google al die national del Sámis


Le 6 de februario es le die national del Sámis. Hodie Google ha includite le čiehgahpir, le cappello traditional con quatro alas, in su sitos norvegian, svedese, finnese e danese.

Secundo le wikipedia sámi, inter 50.000 e 65.000 sámis vive in Norvegia, 20.000 in Svedia, 9.350 in Finnland e 2.000 in Russia. Un tertio ancora parla le sámi, un lingua uralic, parente del finnese, estoniano e hungaro.

2010/01/25

Le beton e le ave

In interlingua e portugese, de Portugal a Macau e de Capo Verde a Brasil e Goa

Un nove blog de interlingua - in le portugese babel-ia.blogspot.com, per le nove representante official de interlingua in Portugal, Augusto Cardeal o Carlos Soreto.

Le portugese, "lingua de controllo" del IALA, es un del linguas le plus accessibile pro usatores de interlingua. Visita le blog, scribite in le lingua lusophone!

2010/01/23

Pollution!


In Bergen, le qualitate del aere es sur un nivello scandalosemente basse. Isto es le resultato de pollution e de politica myope - ma anque, il es ver, del tempore extraordinarimente frigide. Mesmo le statua de Ivar Aasen, le patre del nynorsk, se protege contra le aere.