2009/10/03

A Rio le Jocos Olympic, a qui le Premio Nobel de Litteratura?

Es le tempore del grande annunciamentos. Le Jocos Olympic de 2016 ha essite assignate a Rio de Janeiro, malgrado le presentia del Obamas (o pote esser justemente a causa de lor show un poco exaggerate). Al incontro del Comitato Olympic International, in Copenhagen, non solmente le citate del presidente nord-american, Chicago, ma anque Madrid e Tokyo debeva resignar ante le candidatura del ancian capital del pais de Pelé, del presidente Lula, de Villa-Lobos, de Alberto Santos-Dumont, de João Carlos de Oliveira, de Patrícia Pillar e de Paulo Coelho. Certemente un decision sage.

Le 8 de octobre, le jovedi veniente, le plus tosto a 13 h tempore svedese, le Academia Regal de Svedia va annunciar le vincitor del Premio Nobel le plus interessante, lo del litteratura. Le anno passate le francese, J. M. G. Le Clézio, recipeva le premio. Cata secunde anno io repete, probabilemente in van, le candidatura de Harry Mulisch, le alchimista del litteratura nederlandese. Ben, Mulisch ha plus que 80 annos e non ha publicate un libro post 2001. Pote esser que ille nunquam recipe le Premio Nobel. Al svedeses de decider.

Naturalmente existe altere candidatos, forsan mesmo un norvegiano: Jon Fosse, le dramaturgo enigmatic, ja jocate plus frequentemente que Ibsen in le theatros le plus importante del mundo. Ma Fosse ha solmente 50 annos. Ille ancora es un homine del futuro. Intertanto nos attende le prime vincitor del lingua nederlandese (naturalmente non conta le premio del conte Maeterlinck. Su lingua materne certemente era le nederlandese, ma ille scribeva in le francese, secundo le vetule tradition belge. Maurice Maeterlinck recipeva le Premio Nobel de Litteratura in 1911, presque cent annos retro.)

E le alternativas? Pote esser un brasiliano. E proque non?

5 comments:

Orbis Pictus said...

Marteins, cxu mi povas kopii vian tekston kaj gxin publikigi en mia hejmpagxo? Tute certe, ke mi diros, ke vi estas la verkanto, kaj ke gxi aperas origine en via blogo.

Morten Svendsen said...

@Orbis Pictus: Certe, mi tion permesas al vi. Dankon por tio :-)

Orbis Pictus said...

Kara Morten:
Jen la ligilo: www.esperanto.pro.br
Vidu, cxu estas suficxe klara, ke la postajxo estas el via manoj, el via blogo.
Dankon!

Morten Svendsen said...

Jes, estas tre klare. Mi ankaŭ trovas tre laŭdinde ke vi inkludas tekston en interlingua en esperantilingva blogo. Dankon por tio. Tre plaĉas al mi interkompreniĝo de parolantoj de malsamaj planlingvoj.

Alfie Nobel (dec'd) said...

Maintenant on sait que c'est Frau Herta Muller, ex-roumaine. Je note qu'elle n'écrit pas Hertha (forme curieuse de Bertha), comme l'équipe de Berlin, actuellement bon dernier avec 3 pts.

Maeterlinck - le seul néerlandaphone - j'ai jamais pensé á cela! Heff dank!

Vendredi 9/10/9