2009/06/03

Wikipedias: Esperanto tosto plus grande que Volapük

Non, isto non es novas retardate del anno 1891. Il se tracta (de nove) del wikipedias in linguas auxiliar, e lor numero de articulos. E como sempre, quantitate es rege.

Al momento, ecce le lista del wikipedias (le 3 de junio 2009):

Volapük, con 118.774 articulos.
Esperanto, 114.465.
Ido, 17.076.
Interlingua, 4.708.
Novial, 2.545.
Occidental/Interlingue, 1.322.
Lojban, 887.

Nos naturalmente sape como Volapük ha conquerite su position. Ma cosas evidentemente ha cambiate: Si nos compara le lista con illo del 20 de augusto de 2008, nos constata que le numero de articulos in le wiki esperantista se augmenta con 40 cata die, durante que le volapükistas al momento produce solmente 4 articulos diurnemente. Isto significa que Esperanto surmontara Volapük le 1 de octobre de 2009 ...

Si le tendentia continua, al initio del anno 2010 nos va haber le sequente lista:

Esperanto, 123.022 articulos.
Volapük, 119.694
Ido, 17.972
Interlingua, 5.022
Novial, 2.626
Occidental/Interlingue, 1.458
Lojban, 1.036

Le wiki de Novial al momento es illo con le crescimento le plus modeste, un articulo nove cata tertie die. Novial era create per le famose linguista danese, Otto Jespersen.

2 comments:

Gordon Braun said...

Interlingua 5000?!

Come on you guys!

Svenni said...

5000? Non.

Al momento (ancora, 9 dies postea) es 4708. Dunque, io debe modificar le prognosis: le 1 de januario 2010, le wiki de interlingua ancora habera 4708 articulos.