2009/06/30

Twitter, qui pipa in interlingua?

In 1979, quando le ayatollah Khomeini preparava su retorno a Iran, ille inviava su messages sur cassettas de musica, que era secretemente copiate. Recentemente, durante le turbulentias del electiones iranian, furorava le uso de Twitter. Bon o mal, le mundo se cambia.

Twitter es un servicio de micro-blogging in su forma le plus extreme: per messages ("tweets") de un maximo de 140 litteras, on presenta su opiniones, informationes, observationes, propone ligamines (sovente abbreviate per bit.ly o tr.im), face demandas o responde a (o reposta) altere tweets. Es un medio ultra-rapide, ma anque non poco enoiose. ("Twitter", in anglese, es le sono que face le aves. "Pipo" in interlingua? Ma forsan existe un traduction melior.)

Le esperantistas naturalmente ja ha discoperite le nove medio, ma le campo interlinguista ancora es un poco silente.

Seque mi pipos a @mosvends. Usque ora io ha pipate, al hasardo, in interlingua, esperanto, volapük, anglese o norvegiano, ma si mille interlinguistas me "seque", io naturalmente va pipar exclusivemente in interlingua.

3 comments:

Mardy said...

Io lege le feed:
http://search.twitter.com/search?q=interlingua
que monstra tote le pipos que mentiona interlingua.

Ma io non es multo active in twitter; io lo usava un pauco quando il esseva possibile inviar pipos via jabber, ma nunc io non ha un programma confortabile pro twitter -- ni io vole installar uno. :-)

Morten Svendsen said...

Si, e io te seque @mardy.

Io non sape, ma naturalmente es possibile pipar e sequer le tweets directemente a twitter.com.

Fred and his amazing Nurks said...

Volapuke? Cripes.

Morten Svendsen 493 000 referencias a Google!!! Gid around gid around I gid around (Los chicos de la playa)

Lundi 6/7 (double 7 manyana - 4e anniv de los 4 bombas a Londres - no enteramente explicado)