2009/02/03

Tallinn in le dies de Edgar de Wahl



Iste vetule photo es categorisate como "Vista general - Reval, Russia". Hodie on dicerea: "Citate Vetule - Tallinn, Estonia." Le photo data del annos 1890.

Personas qui ha visitate Tallinn, tosto recognosce le citate: Le silhouette characteristic del Vanalinn, le citate vetule con su turres e le collina del cathedral, non ha cambiate radicalmente durante le ultime cent annos. Ancora hodie le lineas in le fronte del photo es usate per le trams. A dextere on probabilemente vide le prime Station Baltic (Balti Jaam), construite in 1870.

Isto es le citate de Edgar de Wahl! Le creator de Occidental-Interlingue habitava Tallinn (o Reval) durante le major parte de su vita. Ille nasceva in 1867 e moriva in 1948.

Tallinn certo vale un visita - un suggestion pro le adherrentes del linguas artificial: le conferentia international del lingua Ido trova loco in Tallinn del 17 al 22 de julio 2009.

2 comments:

I do I do I do said...

Dan Linn - ancian colonia de Danimarkia - como Noreghia.

Blogroll continua a esser mult util.

Combien de Idoistas va a esta conferentia, d'ya think?

Svenni said...

Quante idistas a Tallinn? Io pensa que le conferentias de Ido generalmente attrahe de 10 a 20 personas.