2009/02/11

Retorno del professor Egil "Drillo" Olsen: Norvegia-Germania 1-0

Post un absentia de dece annos, le professor Egil "Drillo" Olsen de nove es le gerente del equipa national Norvegian de football. Le resultatos positive naturalmente non se tardava: iste vespere, in Düsseldorf, le Germanos era battite per 1 contra 0. Christian Grindheim faceva le goal post un attacco perfecte.

Cosa estranie, isto es solmente le quarte victoria Norvegian contra un equipa national German:

In 1979, in le qualificationes pro le Olympicos de Moscova, le West-Germanos era battite duo vices (2-0 in Trondheim e 1-0 in Baunatal. Postea ambe paises boycottava le Jocos de Moscova, dunque duo matches un poco inutile. Del resto, Norvegia nunquam succedeva a batter le Republica Democratic German ...)

Le victoria le plus famose contra Germania naturalmente es lo del Olympicos de Berlin, in 1936, con sr H. sur le tribuna. Norvegia batteva le equipa German per 2-0, con duo goals per Magnar Isaksen. (Secundo le legenda, sr H. abandonava le stadion post le secunde goal, 8 minutas ante le fin del match. Postea, ille nunquam visitava un match de football.)

In le fin del millennio passate, sub le commando del professor Olsen, Norvegia era le numero 2 sur le statistica del FIFA. (Brasil era le numero 1. Ma, como on sape, le Brasilianos era battite per 2-1 in le Cuppa Mundial de 1998.) Durante le ultime dece annos, le professor Olsen i.a. ha essite le trainer del equipa national Irakian.

Al momento Norvegia es numero 56 sur le lista del FIFA. (Germania es le numero 2.) Isto naturalmente tosta va cambiar: In 2010, Africa del Sud sera le hospite del Cuppa del Mundo ... Nelson Mandela, here we come ...!

3 comments:

sir alex ferguson said...

Were you watching AH/Goethe/Beckenbauer/Ulrike Meinhof/Heisenberg/Max Planck etc. usw.?

#56? So high? Ock Sverige?

Svenni said...

Beckenbauer? Io pensa que ille era substituite per Emanuel Kant ...

Ma seriosemente, non, io videva ... nihil. Como le majoritate del population norvegian io audiva le match in le radio (NRK). TV2 habeva le derectos del emission televisuel - e decideva tener le match in un canal de pagamento. Isto naturalmente ha essite un del plus grande discussiones politic durante le ultime dies. Iste vice le partito Rødt ("Rubie", como in "comunista", non como in "rubie/verde) le melior capeva le spirito del populo: "Es como vender billetes pro le procession del 17 de mayo!"

Novlangue said...

Es similar in Regno Unite. Es necessario comprar tres subscripciones de Rupert Murdoch per veder matches de Divisiones 1-4et omnes ludes de cricket international! Fortunamente 1/2 del matches de footy international es disponibles per £nihil.

Ph.L. Scolari (gotta job?)