2008/12/01

Finalmente, un blogroll functionante, ma ...

Le lectores fidel de iste blog forsan memora que io, in un passate multo remote, ha facite alicun effortios pro crear un blogroll que lista le blogs secundo le dato del ultime actualisation. Le tentativos finiva proque le systema simplemente ignorava le medietate del blogs ...

Ben, problema solvite: Blogger ha includite un function que produce justo iste lista! E illo functiona! Vide columna a dextra ...

Ma ubi es le blogs in interlingua? Ora es le momento de demonstrar que le blogs in interlingua pote esser actualisate plus sovente que le blogs in esperanto, eulingu e lojban, nonne?

5 comments:

oluf sand said...

Gratias pro le info. On pote anque adjustar lo a non scriber 'samples' del texto?

Svenni said...

Si, on pote liberemente combinar, includer o excluder le elementos ... le sol stupiditate es que le messages "17 horas retro" etc appare solmente in le anglese ... (non mesmo in le klingon)

robocap said...

Svenni,
proque le sitos in ia plus active es includite in le lista "Blogs in linguas diverse"? Es isto intentional o un bombo (anglese "bug") de Blogger?
In omne caso, vole ben acciper mi desiderios pro un gaudiose 2009 e mi complimentos pro tu blog.

robocap

novparl said...

Ha! It works!

29.12.08 17:30 British Imperial Time

Svenni said...

Robocap,
gratias. Hm, si, tante blogs in interlingua in le lista del blogs le plus active ... debe esser en bombo inintentional :-)

Novparl,
si, in tote le imperio. Hm, ubi es? :-)