2008/08/27

Le U.M.I. prohibi le ligamines profunde

Io ha controlate tote le ligamines in le columna al dextra - removente sitos que non plus functiona e blogs non actualisate durante le ultime medie anno. Tosto io va includer nove ligamines.

Ben, io anque ha removite le ligamines al Interlingua English Dictionary e al lista de E-libros in interlingua.

Proque io ha facite isto?

Le Interlingua English Dictionary e le bibliotheca electronic es partes del sito del U.M.I. - e le Union Mundial pro Interlingua non permitte ligamines profunde ab altere sitos.

Un "ligamine profunde" es un ligamine que liga a un pagina singular ultra le pagina principal del sito. Le rete es plen de ligamines profunde. Le rete naturalmente non pote functionar sin ligamines profunde. Ma le sito official del Union Mundial pro Interlingua desidera exister sin tal ligamines.

Proque le U.M.I. non permitte ligamines profunde? Io non sape. Honestemente, quando on pote reincluder un ligamine directemente al Interlingua English Dictionary?



P.S. Io naturalmente non pote ligar al pagina singular in le qual on trova iste prohibition - proque le U.M.I. non permitte isto, etc.


Wikipedia anglese: Deep linking (he, wikipedia non prohibi ligamines profunde!)

Summario in norvegiano: Verdensorganisasjonen for interlingua (U.M.I.) forbyr "dyplenking" - alminnelige lenker til undersider - på nettstedet sitt. Kun lenker til hovedsiden er tillatt. Hvorfor det? Det vet jeg ikke.

3 comments:

Anonymous said...

Iste es absurd. & proque le interlinguistes non proteste contra le Union insignificant?

Martijn said...

Io es felice de poter reportar que iste restriction ha essite removite del pagina de derecto de autor al sito del UMI.

Como prova, ecce un "ligamine profunde" al pagina in question: http://www.interlingua.com/Copyright

Martein Sveinsson said...

Ah, phantastic! Finalmente! Io pensa que io va tosto reincluder alicun ligamines in le blog. :-)