2008/04/29

Volapük tosto le lingua le plus diffundite del mundo

Secundo Novlangue, le chronista infatigabile de un mundo de plus in plus bizarre, le wikipedia del lingua volapük consiste de non minus que 118.700 articulos. Isto naturalmente es un poco exaggerate, ma solmente un poco: in iste momento le numero (constantemente crescente) de yegeds ha attingite 116.286. In comparation: le wiki de Esperanto, le lingua que on generalmente ha considerate le lingua artificial le plus succedite, ha "solmente" 97.943. (Le wikipedia in interlingua al momento ha 4.152 articulos. Un addition recente, le wikipedie in Novial, le lingua de Otto Jespersen, ha 2.429.)

Recentemente, le numero de articulos in le vükiped ha essite un fonte de controversia non solmente in le movimento volapükista, ma anque in le campo esperantista. Secundo Libera Folio, bulletin independente del movimento, le "culpabile" es Sergio Meira, volapükista (e esperantista) brasilian, qui ha create un multitude de articulos curte (partialmente con le adjuta de un programma que crea automaticamente milles de articulos geographic).

3 comments:

Hilary Chapman said...

Dankon pro la interesa informo. Mi petas pardonon, ke mi reagas en Esperanto. Mi ja bone komprenas Interlingua sen ia problemo. Bondezirojn al vi!

Laurentio said...

Wow, io non sapeva que il habeva ancora un movimento volapükista.

Al altere latere, le comunitate de lojlan in effecto pare bastante vivente - al minus si on considera le participantes del chat in lojlan in irc:freenode. (Le canal sempre es occupate per un numero de personas multe vices mayor que illo in le canal de ia.)

McDutchie said...

Ah bon, viste que un tal grande inflation artificial del articulos es possibile, io me demanda quantes del articulos del wikipedia in esperanto es "real" articulos e quantes ha essite automaticamente generate...