2007/09/08

Tallinn, le citate de tote le epochas



Tallinn - le capital de Estonia, ubi io passava un parte del estate. Fundate per le daneses in le 13-te seculo, Tallinn ha supervivite missionarios scandinave, cavalleros teutonic, le Liga Hanseatic, le guerras napoleonic, le imperio russe, le invasion del nazistas e le occupation sovietic. Non me surprenderea si Tallinn anque supervive le Union Europee.




Raekuju Plats, le placia del Casa Municipal, le centro del Citate Vetule (Vanalinn), con Raekodu, le Casa Municipal de 1404 in stilo gotic, le sol remanente in Europa del Nord. Durante le estate, le placia es dominate de restaurantes in aere libere - e "saku" es le birra local.




Kiek-in-de-Köök, "Reguarda-in-le-cocina", un del turres le plus famose de Tallinn.




Le ruinas de Pirita, alicun kilometros foras de Tallinn. Le monasterio del birgitinos, destruite in 1577 per le fortias de Ivan le Terribile, era restaurate in 2001. In le vicinitate: Le Centro Olympic (arena del regattas del Jocos Olympic de 1980), e le plagia le plus popular del pais.




Vista del Teletorn, le turre de telecommunicationes, in le vicinitate de Pirita, con su 314 metros un monumento del architectura sovietic.




Le cupolas del cathedral de Alexander Nevski, construite in 1900, durante le ultime seculo le symbolo del presentia russe in Estonia.




Rataskaevu, le strata le plus vetule de Tallinn. In iste strata on trova i.a. le casa in le qual le Diabolo, secundo le legenda, celebrava su nuptias.




Le placia de Libertate, Vabaduste väljak, le sito de grande demonstrationes contra le occupation sovietic in le fin del annos 80. Hodie le message es: "Tallinn como Citate Europee de Cultura in 2011".

3 comments:

A. Rosenberg said...

Molt interessant. Sed versteht man suomilainen? Wenn nit, warum nit?

Justo Nunc said...

Hehe Io crede que le Union Europee sera bon pro Tallin... Non es un pauc exaggerate comparar le UE al nazistas?! Salute!

Morten Svendsen said...

Si, al momento le UE naturalmente es un benediction pro Tallinn e Estonia. Ma, cosa sempre amusante, nos cognosce solmente le passato, non le futuro ...