2007/05/25

Continuation de Don Quijote, scribite de Shakespeare

Secundo le jornal espaniol, El Mundo, un vetule manuscripto ha essite authenticate como un drama de William Shakespeare (1564-1616), basate sur un personage del Don Quijote, le romano famose per Miguel de Cervantes (1547-1616). Il se tracta de "Cardenio", de 1612, un obra que dispareva quasi 400 annos retro.

"Cardenio" era scribite in cooperation con John Fletcher. Fletcher (1579-1625) anque era le co-author de "Henry VIII" e "Le duo nobile cavalleros". (Secundo multe theorias, le obras de Shakespeare naturalmente non era scribite de William Shakespeare, un actor mediocre de Stratford-upon-Avon. Personalmente io es un adherente del Theoria Marlovian: Christopher Marlowe, qui officialmente moriva in 1593, se exilava a Italia, scribeva le majoritate del obras de Shakespeare, e moriva solmente in 1627.)

Vide le articulo in El Mundo. (Io trovava le referentia in De papieren man.)

Wikipedia: Cardenio.

4 comments:

henry ibson said...

Interessant. Io he leido la misma cosa en la Reppublica, italiana. Donde se escribe "Don Chisciotte" (Kishotte), un capo Mafioso.

Lars said...

Ah, un altere obra pro tormentar studiantes de anglese ubique. ;)

august springbeard said...

Tormentar???!!!

Shakespeare non es tormenta, es privilegio!

Aasmund Olavsson Vinje said...

Que faceva le angleses ante le invention de Shakespeare ...?