2007/01/03

Elias Molee, le autor e cultivator del Teutonish

Teutonish (anque scribite tutonish, teutonik, alteutonik etc) es un lingua auxiliar, elaborate e propagandate in le comenciamento del seculo passate per Elias Molee, philologo e jornalista statounitese.

Elias Johnson Molee nasceva le 3 de januario de 1845 in Muskego, in le vicinitate de Milwaukee, Wisconsin. Su parentes era immigrantes de Norvegia, del provincia Telemark.

In Teutonish (tutonish etc) Molee intendeva unir un vocabulario germanic (anglese, german, scandinave) con un grammatica simplificate ("15 regulas") e un orthographia simplistic (nulle majusculas etc).

Exemplo de Teutonish - sub le rubrica "e urspringe ov teutonik" (le origines de teutonik"), Molee scribe:

"elias molee, e ferfasr ov teutonik isn (war) gebärn 3a einam (januari) 1845 ov eltera, wer komen fon norvegia to 1 platz 30 kilometra fon e stad ov milwaukee ... ale nakbara havn file kinda, wer kanen nur spreka sine eigena teutonike moderspraka."
Traduction in interlingua: "Elias Molee, le autor de teutonik, nasceva le 3 de januario 1845 de parentes qui veniva de Norvegia a un loco 30 kilometros del citate de Milwaukee ... tote le vicinos habeva multe infantes, qui parlava solmente lor proprie linguas maternal germanic."

Couturat & Leau, in lor Historia, non era multo enthusiastic: "Sin criticar le projecto de Sr. Molee, il nos debe esser permittite de remarcar que ille se inspira de motivos absolutemente opposate al scopos human e civilisatori del lingua international e al neutralitate que on postula de illo."

Su autobiographia, "molee's wandering", era publicate in 1919. Elias Molee moriva in 1928.

2 comments:

Desperanto said...

Tres intereessant. Mais qu'avait-il contre les Majuscules?

// Je dois avouer que je savais rien de l'an d'Ibsen en 2006. J'ai meme lu plusieurs de ses oeuvres en norvegois (ou le dano-norv de l'epoc!)

Vi snakkes (6 snakes)

5.1.7. 18:00

Anonymous said...
This comment has been removed by a blog administrator.