2006/12/13

Le cultura general, in portugese

Estrelas (de) Cadentes es un blog portugese que presenta aspectos del cultura general, in un linguage clar e comprensibile. Recentemente, le themas include le nove James Bond, suicidio in le Etate Medie, Halloween, le manuscripto Voynich, le Pac-Man ... e le Marlboro Man, qui moriva ... del fumar.

E, alicun septimanas retro: a interlíngua.

Le portugese, "lingua de controllo" del IALA, es un del linguas le plus accessibile pro usatores de interlingua - al minus si on cognosce le fontes de confusion le plus frequente, p.ex. le articulos definite e lor fusion con alicun del prepositiones:

o livro = le libro (masculin)
a vida = le vita (feminin)
os anos = le annos (masculin, plural)
as pessoas = le personas (feminin, plural)

do livro, das pessoas = del libro, del personas (do, da, dos, das = del)
no livro, na vida = in le libro, in le vita (no, na, nos, nas = in le)

Similemente: nesse = in iste; num, numa = in un.

Dunque, non confunde "no" con le "no" de interlingua ("não" in portugese) e "o" con le "o" de interlingua ("ou" in portugese)!

Visita le Estrelas (de)Cadentes. Iste blog interessante pote servir como introduction al lingua portugese - e al cultura general.

3 comments:

Novalingua said...

E uma lingua muito formosa.

Hikipedia said...

Norja on vaehaenkuin Ruotsi
muttei sinne paeinkaaen.

27.12 17:10

augusto cardeal said...

Salute!

Io scribe un blog in portugese re interlingua e vos regratiarea si vos faceva hic un referentia a illo. Ibi sta publicate plure textos que io traduceva e que io trova essential pro le comprension del philosophia subjacente al idea de un lingua international que va, como le Phenice, renascer del cineres remanente ex le mytho de Babel... o como diceva Toma Macovei:
Lingua natural e musical
de parolas international
e un grammatica minimal.
Comprensibile facilemente
per personas intelligente.
Le medio de communication
adequate pro le solution
del confusion de Babylon!

Le adresse es: http://babel-ia.blogspot.com/

Salutationes cordial,
carlos soreto