2006/08/10

Le vias de Norvegia

Le jornal Dagbladet va trovar le pejor via de Norvegia - le votas del lectores va decider. Vide le photos, illos parla su proprie lingua ... Le majoritate del dece candidatos de facto es classificate como riksvei (via national) o fylkesvei (via regional) - o mesmo europavei (via europee). Dunque non es le via a un ferma in le medietate del foreste ...

Io constata que tote le vias se trova in le nord de Norvegia o in le parte oriental del pais.

Esque on pote concluder que le vias del Norvegia del West es de qualitate excellente? O forsan que le jornal del capital ha oblidate inviar un jornalista al parte occidental del pais? Qui sape ...

In le photo, solmente como illustration: le Via Postal a Hardbakka, in le vicinitate de Bergen. Usque a 1783 isto era un parte del via principal inter Bergen e Christiania ( = Oslo).

9 comments:

algus said...

Morten
Que via si belle ma non apte pro un viage con auto.
Io me recorda que le vias in Norvegia esseva stricte e multo curve ma sovente dava panoramas multo belle.(a.d. 1964 io crede)
Alf

Morten Svendsen said...

Car Alf, gratias pro le commentario. Si, io ama iste vetule via, illo es quasi magic in alicun locos.

On ancora pote gustar del belle panoramas quando on viagia in Norvegia, ma on non los trova assi facilemente. In le ultime 40 annos on ha construite un massa de tunnels (felicemente pro illos qui desidera viagiar rapidemente de un citate a un altere, infelicemente pro le touristas qui cerca le natura e le paisages). Ma in alicun locos on ancora pote usar le vetule vias, exter le tunnels.

Esque tu visitava le fjords e le parte occidental del pais?


P.S. Con le construction del tunnels e altere grande projectos, on forsan negligeva altere vias, como monstra le photos de Dagbladet.

L. Lauvoysson said...

Europavei?

Noreg no es in Europa. Post 2 referenda e la disintegratio de Venstren.

L. Lauvoysson said...

Ja, fylkesvei 52 er unbelievable.

Get your kix on Route 66.

(666?)

Vi snakkes. (We'll have a snack)

15.8.6 17:00

Morten Svendsen said...

He, Norweg is in Europa, aber niet in de Europeiske Foreiniging. Ik was gegen in 1972, en ik have stemme gegen in 1994. En ik stemme nog Venstre!

A. "Foggy" Rasmussen said...

Ah, so it's Venstre you are! Very interessant.

Quod es Venstre-jornal numero 1 in Noreg?

16.8.6 10:30

algus said...

Salute

Io non memora ma nos, mi familia, viagiava in un valle de Trondhjem a Oslo, ibi anque esseva un fluvio.
Nos habitava in un tenta e le fluvio quasi inundava nos. Le panorama esseva grandiose.
Ha tu visitate mi sito que nunc es innovate con un video terrific?

Alf

Morten Svendsen said...

Car Alf. Io pensa que forsan era le riviera Glomma que inundava vostre tenta.

Ora io ha reguardate le video in tu sito. Es un addition que pote dar un multitude de possibilitates. Forsan anque io va includer un (o plure) videos in mi blog.

Morten Svendsen said...

A Anders Fogh:

Un jornal de Venstre?

Primo, pro illos qui non cognosce le paisage politic de Norvegia: Venstre es le partito social-liberal, le partito plus ancian del pais (fundate in 1884), ma, durante le ultime 30 annos, anque un del plus parve partitos representate in le parlamento. Io non sape proque, ma il me sembla que le concepto de "libertate personal e responsabilitate social" non es multo popular in nostre dies ...

Venstre es le partito soror i.a. del D66 nederlandese e le "Radikale Venstre" de Danmark (ma non del Venstre del prime ministro danese, Anders Fogh Rasmussen.)

Le expression "jornal de Venstre" es un anachronismo, proque le majoritate del jornales norvegian ha cessate esser organos del partitos politic. Ma traditionalmente Bergens Tidende era le plus grande jornal associate al partito Venstre.