2006/05/13

Le passato del internet, un archivo pro le futuro

Le internet cambia de die in die. Esque on pote "visitar" le internet del passato, p.ex. del anno 2000? Le responsa es: Si, al minus partialmente! Le "WayBackMachine" del Internet Archive ha colligite un quantitate enorme de paginas e sitos, de 1996 a hodie.

Io trovava facilemente le sito del U.M.I. in su version del 2 de decembre 1998, con ligamine i.a. al Radio Interlingua. (Al mesme tempore, le sito del Association Universal Esperantista era solmente un germine). E ecce le sito clar e simple del "vetule" U.M.I. (archivate le 31 de martio 2005) - regrettabilemente sin le picturas.

Le contento del WayBackMachine anque pote esser cercate via le sito del Bibliotheca Alexandrina de Egypto.

2 comments:

BESTEFARS BLOG said...

Es que tu anque trova un ligamine pro entrar le futuro?
Per exemplo: Es que le Union Norvegian pro Interlingua existe in 2010?
E es que nos ha 120 membros?

Morten Svendsen said...

Si, le ligamine al futuro es trovate. Ma io ancora non pote leger lo, proque le sito es create pro le WinMac1.0 que va essser publicate solmente in martio del 2008.

Ma io non pensa que le Union Norvegian pro Interlingua habera 120 membros in 2010. Io pensa que le UNI o habera minus que 120 ... o plus que 120! Felicemente, on ancora pote influer le futuro :-)