2006/05/21

Le beltate e le monstros, le chansons e Europa

Malgrado le facto que iste blog officialmente non plus va esser actualisate, io simplemente non pote ignorar le sol evenimento que uni le continente europee - le Concurso Eurovision del Chanson. Como nos sape, Lordi, le monstros sympatic de Finlandia, vinceva con lor "Hard Rock Hallelujah", le contribution perfecte a nostre tempore.

Plus que 100 milliones de spectatores reguardava le final in Athenas, le capital grec, ubi participava entratas de 24 paises, de Islanda a Israel (le membros arabe del EBU, secundo le tradition, non prendeva parte) - un interessante combination de kitch e nationalismo, introducite per alicun secundas de Charpentier (sovente le sol melodia que on memora le die sequente).

Como sempre, le show era impurificate, de un certe mesura, per anglese balbutiate (le "bad english" naturalmente es in le processo de devenir le sol lingua unificatori de Europa). Malgrado le membrato de Grecia in le Francophonia, le rolo del secunde lingua official del EBU era reducite a un minimo. E nos videva le transgression al anglese anque del presentation del punctos albanese. (Usque le anno passate, le albaneses sempre presentava lor punctos in le francese.) Le presentatrice monegasc faceva un effortio pro reganiar territorio perdite, ma io habeva le impression que le hospites del show non comprendeva lo que illa diceva.

Felicemente, le entrata norvegian, le ballada Alvedansen ("le Dansa del Elfs"), cantate per Christine Guldbransen (de Bergen) era presentate in ... le norvegiano. Infelicemente, illa era solmente le numero 14, dunque Norvegia non mesmo es qualificate pro le final del anno veniente.

Le final del Concurso Eurovision del Chanson 2007 va trovar loco in le pais de Matti Nykänen, del fratres Kaurismäki e del guerreros hakkapeliita. Io es certe que le presidente del Association Finlandese pro Interlingua va trovar le perfecte strategia: como facer interlingua le sol lingua del final de Helsinki!

3 comments:

Phmag said...

Gratias pro iste relation del concurso. Io habita in Paris, Francia, e ha decidate duo vel tres annos passato de non plus vider le concurso: quasi omnes canta in anglese, sed plus insupportabile es le commentarios del presentatores francese, un collection incessante de clichés xenophobe e chauvinistic, et illes parla mesmo durante le cantos, excepte le canto del candidato/a francese! Con le medios de communication moderne, iste anno haberea potite vider le emission in un altere lingua, forsan es plus facile vermente audir le artistas. Infelicemente io non ha pensate a tempo... Nos videra illo que nos facera le anno proxime.

Etiam si io es contra le chauvinismo, io deve corrigere un erroretto: la melodia que introduce les emission de eurovision non es de Händel, sed del compositor francese Marc-Antoine Charpentier (Te Deum). Isto es le ultimo que nos ha pro consolar nos del nostre multo mal resultatos... :-)

(Isto es mi prime commentario in un bloc interlinguan, e prime texto in interlingua... pardona mi errores si il vos place!)

Morten Svendsen said...

Si, io non comprende le necesitate de iste commentatores national! Anque le commentator norvegian es un poco insupportabile, ma ille felicemente (ancora) non ha commenciate de parlar durante le cantos :-)

Gratias pro le correction del error. Si, tu naturalmente ha ration: le intro del Eurovision es le "Te Deum" de Marc-Antoine Charpentier. Io ora ha corrigite isto in le texto. (Cosa estranie, io ha sempre pensate que le melodia era un fragmento del Music for the Royal Fireworks de Händel).

Esque le finneses va diminuer le uso del anglese? On pote sperar lo, ma io pensa que non - on ja commenciava parlar in ille lingua: io videva como le membros de Lordi refusava parlar in le finnese, e anque le presidente (del republica, non del Association pro Interlingua) debeva parlar le anglese con illos.

Kai said...

Interesa artikolo.

Ankaux mi ne tre sxatas la kantkonkurson de Eurovision, kaj mi kutime ne spektas gxin. Sed cxi-foje mi jes spektis. - Kune kun amikoj, kompreneble! Sxajnas al mi ke nuntempe la kantkonkurso antaux cxio servas kiel preteksto por pasigi kelkajn horojn kune en la sofo mangxante ion bonan kaj ridante pri la acxa kantado kaj la ecx pli acxaj vestoj.

La kantkonkurso certe iom sxangxigxis tra la jaroj. En la malnova tempo la gajnantoj ofte igxis klasikajxoj (oni ankoraux ludas Ein bisschen Frieden, Waterloo, Puppet on a string kaj De troubadour en la radio). Nu, kiu memoros Hard Rock Hallelujah post dek jaroj?

Tamen, laux mi Hard Rock Hallelujah estis la plej bona kanto (kvankam mi ne auxdis cxiujn), do mi ne plendas. Mi eble ne menciu tion en cxi tiu forumo, sed unu el la membroj de Lordi fakte estas iama membro de la esperanto-rok-grupo Dolchamar - do jen plia motivo por esti kontenta :-)

Kai