2006/01/13

Paraskavedekatriaphobia!

Le parola del die: Paraskavedekatriaphobia. Es un parola que consiste de quatro elementos grec: Paraskavi (venerdi), deka (dece), tris (tres) e phobia (pavor), dunque: le pavor del venerdis 13!


Wikipedia: Friday the 13th

3 comments:

Francisco Forgiamonte said...

Le parola "paraskavedekatriaphobia" es un ver "tenia" (in le germano: "Bandwurm"), ma in nos linguas germanic tal parolas longe es simplemente formabile. Non solmente vinti-tres litteras, ma, si on vole, alicun dece litteras o plus! In textos quotidian on evita tal parolas, ma on forma tal parlas jocosemente pro monstrar le possibilitate de tal "Bandwurmwörter" (parolas teniaforme).
Ingvar Stenström mentionava in su obra "Formation de parolas in Interlingua" le exemplo 'eurovisionsschlagerfestivalsrepetitonerna' (in le germano: 'Eurovisionsschlagerfestivalsrepetitionen' o 'Eurovisonsschlagerfestivalswiederholungen').
In Germania on trova tal parolas relativemente longe in titulos de leges.

torrente said...

Car Morten!
Interessante. Io essayara memorar iste parola drolle.
Question:
Paraskavedekatriaphobia

Perque non paraskavi (con i) e triphobia (sin a post tri)
Io non del toto ha studiate grec e tu alterationes forsan es correcte.
Io studia tu blog cata die si Bloglines informa novas.

Morten Svendsen said...

Salute, e gratias pro le commentarios!

Si, es amusante como nos pote fabricar parolas multo longe, durante que nos usa parolas plus curte in le vita quotidian. Secundo le Libro Guinness del Records, le parola le plus longe in norvegiano es fylkestrafikksikkerhetsutvalgssekretariatslederfunksjonene ("le functiones del captites del secretariatos del comitatos provincial pro le securitate del circulation"). Ma qui dicerea isto? Høyesterettsjustitiarius (capite del corte supreme) forsan es le parola le plus longe in uso quotidian.

Io non ha studiate le grec, e anque io me demandeva del natura del alternationes paraskave/paraskavi e tri/tris. Io suppone que il se tracta de declinationes grammatic del parolas. Le lingua grec es, como le latino, un lingua con multe casos.

Io pensa que un grande quantitate de iste longe parolas grec e latin, de facto es fabricate de personas del Europa del Nord, qui sole conjugar tal parolas in lor proprie linguas.