2006/01/09

Janet Jackson, le pausa del Super Bowl de 2004 e le zeitgeist de 2005

Que cerca homines in le internet? Google (e altere cercatores) publica regularmente listas del parolas le plus cercate. Esque on trova lo que on cerca? Qui sape?

In mi blog io vide que visitatores cerca parolas specific e arriva a un pagina particular, p.ex. "football cypriota", "idiom neutral" e "mandombe". Recentemente un parola popular ha essite "kakuro".

Ecce le lista de Google News pro le anno 2005:

1. Janet Jackson, 2. Hurricane Katrina, 3. tsunami, 4. xbox 360, 5. Brad Pitt, 6. Michael Jackson, 7. American Idol, 8. Britney Spears, 9. Angelina Jolie, 10. Harry Potter.

Isto es le zeitgeist (animo del tempore) vidite per le berillos cercante de Google. Si, 2005 era le anno del huricane Katrina e le anno post le tsunami terribile ... ma anque le anno del nove xbox, del nove libro e del nove film del phenomeno Harry Potter. E Michael Jackson naturalmente habeva su momentos ...

Ma, Janet, le soror de Michael? Le 1 de februario 2004 le sino nude de Janet Jackson era televisate durante le pausa del Super Bowl, causante un scandalo que evidentemente offendeva multe americanos plus de tote altere injustitia.

Esque iste breve secunda del pausa de un match de football american duo annos retro ancora influa le zeitgeist del momento? E qui diceva que le mundo non es absurde?


2005 Year-End Google Zeitgeist

2 comments:

Osmund Knutson said...

Es un indicator del pertinentia del preferentias de Google. Il es logic in le senso de actualitate, ma il es periculose in le senso que il promovera stupiditates e vulgaritates plus tosto que qualitate e pertinentia.

On debe se demandar si iste tendentia es de moda ahora in altere aspectos plus general e seriose, como in le fundamento de nostre decitiones del democratia e electiones del governamentos.
E, es que nostre dependentia del informationes al internet influera nostre actitates in le futuro.

HappySam said...

viva la frisian