2005/12/09

Imagina ... 25 annos retro

Le 8 de decembre 1980 John Lennon era assassinate in Nove York. Era ja le matino del 9 de decembre quando io audiva le novas, naturalmente in le NRK, le sol station de radio in ille dies. Nos justo retornava de Suissa. Io habeva 13 annos e octo menses. Le cubo de Rubik perdeva su popularitate. Afghanistan era invadite, non per le americanos, ma per le Union Sovietic. Io era inamorate de "T". Juliana ancora era le regina de Nederland. Nostre can era surde. Remaneva un anno del presidentia de Jimmy Carter, le fermero de arachides, humiliate per le ayatollah de Teheran. Le equipa national era qualificate pro le Jocos Olympic de Moscova. Le nive del Norvegia occidental ancora era blanc. E John Lennon ...

Imagina ...

11 comments:

algus said...

Car Morten
Tu ha un multe bon memoria- io me gaudia quando io me rememora que
habeva loco heri.
Gratias pro tu effortio de trovar nove blogs- il es importante pro le blogs in interlingua que nos es plures que usa iste medio e anque cognosce le altere bloggers.

Osmund Knutson said...

Superbe, Morten!
Gratias!

Morten Svendsen said...

Gratias :-) Si, memoria, tempore e imagination pote dar nove perspectivas ...

Anonymous said...

Io anque memora al die, al momento, quando on annunciava in le radio, que John Lennon moriva. Alora io habeva 5 annos. Si tu alora habeva 13 annos, alora tu es ora 38 annos, nonne? Io mesmo pote dicer, que nostre radio era de materia synthetic e habeva le color rubie del quadros (e nigre pro le interno).

Como tu intende, que le cubo Rubik perdeva su popularitate? Justo in ille die, o in general in ille anno? Io refereva in le conferentia recente de interlingua un poco super le historia de Hungaria e su presentia; assi io ha toccate anque alicun inventiones hungare, pro exemplo le cubo Rubik. Poterea tu parlar plus de lo que "Le cubo de Rubik perdeva su popularitate"? Como illo lo perdeva e proque?

Amicalmente:

Péter Kovács

Morten Svendsen said...

Io era fascinate per le cubo, ma nunquam diveniva un experto. Iste joco genial era un "febre", ma tote febres se calma post certe tempore. Le cubo naturalmente resta le mesme, ma illo non era tanto popular in 2001 como in 1979 - al minus non in Norvegia. Forsan nos habera un nove "febre"? O esque al homines de hodie manca le patientia besoniate pro solver le cubo de Rubik?

Io recommenda al lectores Le Historia de Hungaria per Péter Kovács.

Almafeta said...

Gratias pro crear tu 'blog' (io prefiere 'samizdata') -- io juste nunc ha legite tu commento in .

Tu scribe tan fluentemente, e tan interessantemente...

Almafeta said...

Ah, pardono, io faceva un error in le HTML de mi previe commento. -_-;

HappySam said...

hey there, I have to say this is a very selfish comment on my part, I have developed a mild obsession with the language stats on my cq counter at the bottom of the page on my blog
http://hotcelebfemales.blogspot.com/
admittedly It is not to everyones taste but I started it as an exercise to see how much and how varied traffic I could generate, and it is the only content I could think of which is hugely popular and is not defined by language as such, there is no nudity or popups or anything, just celebrity pictures, before I started it I have to say I wasn't aware of the existance of interlingua, I am now, I was woundering If you could tell me how many interlingua hits I should be hopeing to get, I am aiming for 1million english hits by the end of next year, 250'000 spanish hits, and I was woundering for a relative figure for interlingua. and how I can get such traffic. Also if you would like a link to your blog on my site just leave a message on my blog,
thanks for taking time to read it
regards

Morten Svendsen said...

A Almafeta: Gratias, Almafeta, pro tu commentario. Si, "blog" non necessarimente es le melior parola, e "samizdata" naturalmente es un solution interessante (samizdat + data). In un certe senso un combination del occidente e del oriente!

Morten Svendsen said...

A HappySam: Interlingua consiste del parolas commun del italiano, espaniol, portugese, francese, russo e anglese. On estima que 500 milliones de homines pote comprender le lingua sin studia previe. Isto es le lingua international del futuro. Si tu blog habera 250.000 visitatores hispanophone e 1 million de lingua anglese, interlingua poterea forsan, in alicun annos, generar plus que 2 milliones. Qui sape? Si, io vide que tu picturas non contine nuditate, e tu certe habera visitatores del tote le mundo!

Anonymous said...

Morsomt Morten!

Stå på!

Hilsen Morten