2005/12/28

Bloglines, RSS e XML: como abonar se a blogs

Jan Årmann me ha facite prestar attention al RSS e XML del blogs, un systema que possibilisa que on pote "abonar se" a blogs e reciper notification quando appare un nove entrata.

On pote facilemente abonar se a blogs usante p.ex. Bloglines, que analysa le RSS e XML publicate per le blogs. Isto es gratis - e multo practic si on lege multe blogs.

Un grande quantitate de blogs publica automaticamente un RSS (Rich Site Summary) o un XML (Extensible Markup Language). Si isto non es le caso, le blogger pote obtener un RSS p.ex. a FeedBurner.

Le majoritate del blogs in interlingua ja ha un RSS o un XML, e io ha addite iste blogs a mi lista de Blogslines. E si tu desiderea abonar te a mi blog, simplemente pressa Subscribe with Bloglines.

1 comment:

Petro Ferrero de Hungaria said...

Es interessante, ma io usa Tristana Reader. Illo es gratuite; un programma (de facto un "browser"), que mantene diverse sitos in .rss, .xml e atom. Tal sitos pote ser p. ex. grupos de Yahoo o mesmo blogs. Illo carga e indica, si alicun nove entrata veniva in alicun sito. On non debe entrar per nomine usatori(al?) e contrasigno. Ma naturalmente illo ha anque disavantages: forsan illo es usabile solmente sub Windows; io non sape, ma io suppone assi; e illo non mantene le codices hungare e illo non es accessibile de ubique, como le sito Bloglines; que pote ser attingite de qualcunque loco ubi le computator ha accesso al internet. Ma Tristana Reader es un simple programma; illo es plus transvisibile, que Bloglines.