Le mandombe era construite in 1978 per le congolese David Wabeladio e es usate in le scholas kimbanguista in Angola, Congo-Brazzaville e le Republica Democratic del Congo. On lo usa pro scriber i.a. le kikongo, le lingala, le ciluba e le swahili.In mandombe cata symbolo representa un syllaba e consiste de duo partes: un vocal e un consonante. Le valor del vocales es fixe, durante que le diverse valores del consonantes es obtenite per rotation del symbolo (vide exemplos in le articulo).
Mandombe es originalmente destinate pro le "Africa nigre" (ndombe significa nigre in le kikongo), ma secundo David Wabeladio le scriptura es "aperte a totes".
Le Ecclesia Kimbanguista es un movimento religiose fundate in 1921 per le propheta Simon Kimbangu (1887-1951). Le kimbanguistas es contra le symbolos religiose traditional, contra le polygamia, contra le dansas erotic e le tambures de dansa, e se oppone al magia. (Isto me rememora del pietistas norvegian.)Le mandombe es un scriptura fascinante. Ma proque on debe eliger inter le mandombe e le dansa african?
Wikipedia: Mandombe (in francese)
Posts
6 commentario(s):
Morten
Forsan un substituto de interlingua.
Il ha un problema con interlingua-
le membros es pauc e obviemente non interesate del futuro del lingua.
Lege plus de isto in SSI.
Alf
Car Morten!
Multo interessante!
Anque io me interessa al alphabetas ancian, como le runes, le paleo hebree &c.
Osmund
Esque tu, Osmund (o vos alteres) cognosce etiam le runes hungare? Isto non plus es applicate, proque nos scribe per litteras latin, ma istos es nostre proprie litteras. Graphicamente illo simile multo al runes germanic, ma del resto illo ha nihil commun con illo (excepte le commun origine phenician), le signification del runes graphicamente identic o simile ha significatos totalmente differente. Le hungare runes ha parentella o affinitate con illos del populos centro-asiatic e illo del hunnos.
Ora io es pigre a cercar ligamines pro vos, ma cerca vos mesme per le adjuta del recercator Google interlinguaphone:
rovásírás
Multo interessante. Si, al prime vista le runos hungare es multo simile al runos germanic. Io va explorar le sitos trovate per Google.
(A Peter: Io debeva deleter le commentario original, e reinserer lo, proque le longe url disturbava le columna al derecta).
Vide wikipedia hungare (con ligamines a altere linguas.
Post a Comment